ქვეყნის თითქმის 40% მრავალფეროვანი და ზოგან უნიკალური ტყის ჰაბიტატებითაა დაფარული. ამ პირობებში ტყის ეკოსისტემების მრავალფუნქციურობის აღიარება მათი გრძელვადიანი კონსერვაციისა და მდგრადი გამოყენების მთავარი საწინდარია. ჩვენი ორგანიზაცია ხელს უწყობს და პოპულარიზაციას უწევს ე.წ. ეკოსისტემურ სერვისებს, რომელთაც საქართველოს ტყეები სთავაზობს ჩვენს საზოგადოებას, განსაკუთრებით არამერქნული რესურსების და ბუნებაზე დაფუძნებულ ტურიზმის მიმართულებებით. ამავე დროს ვმუშაობთ ტყის ხანძრის მზარდი რისკების წინააღმდეგ ბრძოლის მიმართულებითაც, რაც გულისხმობს კომპიუტერულ მოდელირებას, კლიმატის ცვლილების გარდაუვალი ზემოქმედების გათვალისწინებით.

„ნაკრესის“ ტყის პროგრამის პრიორიტეტებია:

• არამერქნული ტყის რესურსების მდგრადი გამოყენების წახალისება;
• ბუნებაზე დაფუძნებული მდგრადი ტურიზმის ხელშეწყობა, რასაც სარგებელი მოაქვს ადგილობრივი მოსახლეობისთვის;
• საერთაშორისო პარტნიორებთან თანამშრომლობით ტყის ხანძრების კვლევა და ტყის ხანძრების რისკების მოდელის შექმნა.