მთიანი რელიეფისა და მრავალფეროვანი ბუნებრივი ჰაბიტატების გამო, საქართველოს ბუნებრივი გარემო, ისევე როგორც ადგილობრივი მოსახლეობა, უკვე არის და სამომავლოდ უფრო ინტენსიურად მოექცევა კლიმატის ცვლილების ზეგავლენის ქვეშ. ეს კი, უპირველეს ყოვლისა, დაკავშირებული იქნება კლიმატური ზონების ვერტიკალურ წანაცვლებასთან. ამიტომ აუცილებელია, საქართველოს ეკოსისტემებსა და სახეობათა პოპულაციებზე კლიმატის ცვლილების გავლენის შესწავლა და სათანადო რეაგირების გზებზე მსჯელობა. სასიცოცხლოდ მნიშვნელოვანია ბუნებრივი ეკოსისტემების ნახშირბადის დაგროვების პოტენციალის განსაზღვრა, განსაკუთრებით ბუნებრივი ტყის გაშენების პროცესებთან მიმართებაში.

ჩვენი ძალისხმევა ეფუძნება შემდეგ პრიორიტეტებს: 

• კლიმატის ცვლილების ზემოქმედების შეფასება სახეობებსა და ჰაბიტატებზე, განსაკუთრებით (ა) ტყის ხანძრებსა და პათოგენებთან მიმართებაში, (ბ) ხემცენარეთა სახეობების ვერტიკალური განაწილების და (გ) ტყისა და საძოვრების საზღვრების შეცვლის კუთხით;
• კლიმატის ცვლილების გავლენის შეფასება საქართველოს დაცულ ტერიტორიებსა და ზურმუხტის ქსელზე, ევროკავშირის რეკომენდაციების შესაბამისად;
• საქართველოს ბუნებრივი ეკოსისტემების (ტყე, საძოვრები და წყალჭარბი ტერიტორიები) ნახშირბადის დაგროვების პოტენციალის ანალიზი.