ნაკრესი - IBA 2010-ის მასპინძელი

16-21 მაისს ნაკრესმა ველური ბუნების მენეჯმენტის მე-19 საერთაშორისო კონფერენციას (IBA 2010) უმასპინძლა.

კონფერენცია დათვის საერთაშორისო ასოციაციის ეგიდით ყოველ ორ წელიწადში ერთხელ იმართება მსოფლიოს სხვადასხვა ქვეყანაში.

თბილისის კონფერენციას 200-მდე დელეგატი ესტუმრა 30-ზე მეტი ქვეყნიდან, მათ შორის, ველური ბუნების მსოფლიოში ცნობილი ექსპერტები. სამეცნიერო მოხსენებების გარდა, კონფერენციის პროგრამაში ჩართული იყო ორი “ვორკშოპი”, რომლებიც მიეძღვნა ადამიანისა და მტაცებლის კონფლიქტსა და ტყვე დათვების პრობლემას საქართველოში.

სპონსორები: IBA, NACRES, EU, FFI, Alertis, ილიას სახელმწიფო უნივერსიტეტი, თბილისის ზოოპარკი

FFI / NACRES: ერთობლივი პროექტი

სახეობათა კონსერვაციის ცენტრმა «ნაკრესმა» საერთაშორისო ორგანიზაცია «ფლორა და ფაუნასთან» (FFI) ერთად, ევროკომისიის ფინანსური მხარდაჭერით, ახალი სამწლიანი პროექტი წამოიწყო. პროექტის მიზანია საქართველოს სემიარიდული ზონის უნიკალური ბიომრავალფეროვნების დაცვა და ვაშლოვანის დაცულ ტერიტორიასა და მის შემოგარენში მტაცებელთა კონსერვაციისთვის საჭირო ეფექტური მექანიზმების ჩამოყალიბება.

ახალი მონაცემები თუშეთიდან

"ნაკრესმა", WWF-მა და დაცული ტერიტორიების სააგენტომ წამოიწყეს ერთობლივი კვლევა თუშეთის დაცულ ტერიტორიაზე. კვლევის მიზანი ამ ტერიტორიაზე ლეოპარდის არსებობის დამადასტურებელი ფაქტების მოძიებაა. პირველი საველე სამუშაოები ზაფხულში ჩატარდა. ივლისის თვეში თუშეთის დაცულ ტერიტორიაზე 11 ხაფანგი დავამონტაჟეთ. სექტემბერში ფოტოხაფანგები შევამოწმეთ და ასეთი შედეგი მივიღეთ:

ფოტოხაფანგებმა ამ ტერიტორიის ბინადარი ცხოველების საკმაოდ ბევრი ფოტო გადაიღო: ნიამორი - 75, მგელი - 15, დათვი - 5, შველი - 2, ჯიხვი - 3, შურთხი - 10. სამწუხაროდ, ამ ტერიტორიაზე ლეოპარდი ჯერჯერობით არ დაფიქსირებულა.

NACRES - ლეოპარდის თვითმხილველი

ვაშლოვანელ ნოეს, რომელსაც აქამდე მხოლოდ «ნაკრესის» ფოტოხაფანგების მეშვეობით გადაღებული ფოტოებით ვიცნობდით, ახლა თვითმხილველებიც გამოუჩნდნენ.

30 სექტემბერს, ღამის 10.30 სთ-ზე, «ნაკრესის» წევრმა ბეჟან ლორთქიფანიძემ ლეოპარდი ვაშლოვანის ქვაბულის სიახლოვეს ნახა, მაშინ, როდესაც იგი ორ რეინჯერთან ერთად ბანაკში ბრუნდებოდა.

ნოეს ეს ახალი ფოტო კი ჩვენმა ფოტოხაფანგმა გადაიღო. იხილეთ ასევე

"მანქანით მოვდიოდით. ბნელოდა და გზას მანქანის ფარები გვინათებდა. უცებ ფარების შუქზე რაღაცამ გაიელვა. კიდევ უფრო მივანათეთ და სახტად დავრჩით... ლეოპარდი იყო, გზაზე მოდიოდა, მერე ძეძვებს გადაახტა და ხეობაში გაუჩინარდა," - გვიყვება ბეჟან ლორთქიფანიძე.

მაჩვზღარბა - პირველი კადრები

ეს არის პირველი დოკუმენტური მასალა, რომელიც კიდევ ერთხელ ადასტურებს საქართველოს ტერიტორიაზე მაჩვზღარბის არსებობას. კადრები "ნაკრესის" ვიდეოხაფანგმა გადაიღო მდინარე ალაზნის მიმდებარე ტერიტორიაზე.
უფრო ვრცლად

Get the Flash Player to see this player.

წავი ფოტოხაფანგის ობიექტივში

"ნაკრესი" საქართველოში ევრაზიული წავის კვლევას აგრძელებს. წავის კვლევა-კონსერვაციის პროექტზე მუშაობა სახეობათა კონსერვაციის ცენტრმა 2004 წლიდან დაიწყო. ამჟამად აღმოსავლეთ საქართველოში ვმუშაობთ, მდინარე ალაზნის მიმდებარე ტერიტორიებზე. და, აი, "ნაკრესის" ფოტოხაფანგმა საქართველოში პირველად გადაიღო წავი ბუნებაში.

Get the Flash Player to see this player.